مغلق لانقطاع التيار الكهربي
انا عارفه اني ماشيه ناحيه الشيزوفرينيا خطوه خطوه
و لما قولتله كده قالي لا دي مش اعراض شيزوفرينيا ولا حاجه ده بس علشان مفيش حاجه جديده في حياتك
بس بعد كده قالي اني بهلوس
و ان اللي بقوله ده محصلش
لما فكرت في كلامه لاقيت ان فعلا دي ممكن تكون هلوسه
ليه ما تكونش حياتي اللي عايشاها دي كلها مجرد خيال ؟ هلاوس انا عايشاها و فاكراها بجد
بحب سيد درويش و اسمهان؟
بنحت كويس؟
بحب التانجو؟
طيب هو الناس اللي باتكلم معاهم دول موجودين بجد .......
طيب هو ؟ انا اعرفه بجد و قالي الكلام ده ولا برضه هلاوس
.......................................................................................................
كفايه كده قررت اشيل فيشه الغساله قبل ما ماتورها يتحرق
مرسلة بواسطة MrMr في
٦/٢٠/٢٠٠٦
11 تعليقات:
وايه سعنى لما تحبى النحت والتانجوا لا عيب ولا حرام بس انك تشيلى فيشة الغساله دا حرام عليكى الدنيا مش مجرد غساله ممكن نشيل فيشتها فى اى وقت دى اكتر من ديذيل مش ممكن نوقفة عيدى حساباتك وشغلى الغساله متسبهاش مركونة احسن تبوز
الغالية مرمر
أظنكِ تنتظرين مني تعليقًا مطولاً كالعادة
لكن كثيرًا ما ينحبس الكلام أمام التأمل
أعتقد أن هذا ليس الوداع
وإنما هي استراحة إعادة الحسابات
لما تحسبي :
إذا كانت الفكة مش هتكمل واحد صحيح
ما تتعبيش نفسك في عدها
تقديري لكِ أيتها الرقيقة
شاب اسكندراني
المشكله ان الغساله فعلا باظت و ماتورها فوت
محتاجه تتصلح و مستنيه بتوع الصيانه ادعيلي يجوا بسرعه
والدي العزيز
مفيش كلام يتقال
انت عارف بنتك كويس
بس وعد مني
اول ما يصلحوا الغساله هارجع اشغلها تاني
بس انت ادعيلي
:)
مرمر
:-)
أولا أسمها سكيزوفرينيا مش شيزوفيرينيا
schizophrenia
جميل جدا أنك تتخيلي أن حياتك كلها خيال وهلاوس.....ممكن تكون كل ده بتحلمي؟؟
الناس نيام...فأزا ماتوا انتبهوا
تحياتي
مرمر
انا معاك انك تشيلى فيشة الغسالة
بس دة مش معناة انك تبيعى الغسالة كلها
صحيح ممكن الانسان يمل لكن اكيد هيلاقى جديد على فكرة الحاجات اللى انت بتحبيها انا شايفها عادية جدا
الواحد ياما شاف اغرب من ةكدة بكتير
تحياتى
كثيرا ما نري اشياء و نفرح جدا اننا رايناها ثم يصيبنا الندم اننا لم نراها الا مؤخرا ... البلوج ده بقاله 3 شهور ما اعرفش عنه حاجه ... بس جميل ...
اما عن شيله الفيشه فصدقيني لاوم تشيليها في اوقات كتير .. لازم يبقي الموبايل مقفول و خارج نطاق الخدمه احيانا و الواحد يقعد لوحده ما يفكرش في اي حاجه يعيش بس يعيش ... وحده بدون اي ملوثات او افكار خارجيه ... اطلق علي هذه الحاله تخمير الافكار ... كتير بنقعد نلم كلام من الناس و نقرا كتب و نسمع مشاكل و افراح و انصاف احزان و افراح و حاجات كتير اوي اوي لازم ناخد اجازه من ده ... انا عن نفسي بافصل فيشه الغساله فالعين السخنه قدام البحر و معايا سنارتي لمده اسبوع او عشر ايام ... اصطاد ... بس اقعد اصطاد و لا اكلم حد و لا حد يكلمني انا و السناره و البحر ... مع بعض كأننا احنا التلاته واحد بيفوقني كل شويه سمكه رافضه تموت ... تقعد تفلفص .. لكن بارميها بسرعه في الشنطه علشان السمك فرص و الفرصه اللي تضيع منك بعج ما بقت في ايدك تبقي مش هترجع تاني ابدا و الفرص مقاسات ... كتير سمك صغير يطلع ... اقوم راميه فالميه تاني علشان يعيش ... و لانه مالوش فايده مع العلم اني مش دائما باكل اللي باصطاده انا باحب الصيد علشان الحاله الوجدانيه و الهدوء و السلام الداخلي الذي يعطيه للانسان ... اللي انت مسمياه نفصل الفيشه ...
انتوك
يااااااااااااااه
بجد وحشتني الحياه
ايمن
معلش يا دكتور الجهل شايع
:)
شريف
طبعا ماينفعش ابيع الغساله
:)
المشكله مش في انا بحب ايه المشكله اني ماكنتش عارفه انا فعلا بحب الحاجات دي ولا هي مجرد هلاوس
عايشه الحياه دي ولا برضه بهلوس
من الاخر مكنتش شايفه حاجه
بس الحمد لله
انا عارفه دلوقتي انها مش هلاوس وحتي هي لو كده يبقي لازم اعيشها برضه
انتوك
بجد انا مش عارفه اقولك ايه
انا كده هاتغر و هاخد في نفسي مقلب
الرد علي تعليقك عايز بوست كامل مش مجرد رد هنا
ابقي اقرا البوست الجديد
انت محتاجة تعيشي في حالة حب مشتعل دائما
عزيزتي مرمر رغم ةاني لا اعرفك
الا اننى شعرت بصدقك في مشاعرك
لا تحرمينا من قلمك
وفقك الله
الاخوة الاعزاء
هل علمتم بقضية التطعيمات الفاسدة التى اعطتها الحكومة لعدة اطفال ضحايا فمات منهم البعض واصيب البعض بأضرار كبيرة
ادخل على مدونتي وشاهد صور حصرية تثبت كذب الحكومة وساعدني في نشر هذا الموضوع وفضح الحكومة
شكرا لتفاعلكم
Hi! Just want to say what a nice site. Bye, see you soon.
»
إرسال تعليق
الاشتراك في تعليقات الرسالة [Atom]
<< الصفحة الرئيسية