اعتذار

انا عندي اعتذار
اعتذر لابويا
انا اسفه يا بابا مش هاقدر اكتب انا مش باعرف اكتب اساسا بس اكيد الكاميرا مش هاتسكت

اعتذر لانتوك
مش هو ده البوست اللي كنت عايزاك تشوفه

اعتذر لشريف
علشان ماقدرتش اعمل اللي نصحتك بيه اسحب النصيحه

اعتذر للجندي و لسونيا .............. و لكل الناس

انا مابعرفش اكتب بس اسمحولي من وقت للتاني انشر اخر شغل ليا
نحت او رسم او تصوير


و اسمحولي كمان اني الغي التعليق علي البوست ده

مغلق لانقطاع التيار الكهربي

هلاوس, originally uploaded by mariamarts2.

انا عارفه اني ماشيه ناحيه الشيزوفرينيا خطوه خطوه
و لما قولتله كده قالي لا دي مش اعراض شيزوفرينيا ولا حاجه ده بس علشان مفيش حاجه جديده في حياتك
بس بعد كده قالي اني بهلوس
و ان اللي بقوله ده محصلش
لما فكرت في كلامه لاقيت ان فعلا دي ممكن تكون هلوسه
ليه ما تكونش حياتي اللي عايشاها دي كلها مجرد خيال ؟ هلاوس انا عايشاها و فاكراها بجد
بحب سيد درويش و اسمهان؟
بنحت كويس؟
بحب التانجو؟
طيب هو الناس اللي باتكلم معاهم دول موجودين بجد .......
طيب هو ؟ انا اعرفه بجد و قالي الكلام ده ولا برضه هلاوس

.......................................................................................................
كفايه كده قررت اشيل فيشه الغساله قبل ما ماتورها يتحرق

اخر يوم

هو : ده احلي مكان ممكن تروحيه في مصر هي : اوكي لما تنزل من البيت ابقي رنلي هو : خلاص انا هالبس و انزل علي طول ......................................... هي :ازيك عامل ايه؟ هو : الحمد لله تعالي نقعد في حته هي : بس مافيش مكان في المكتبه هو : تعالي بره .............................................. احلي يوم مر عليها من فتره كبيره , اكتر حاجه بتحبها انها تتكلم مع ناس مش عارفه غير حاجات بسيطه عنها ,فيه اهتمامات مختلفه مواضيع جديده بيتكلموا فيها رغم استمتاعها بيه كانسان و شخصيه حلوه بجد الا انها لقت رجليها من غير ما تاخد بالها ناحيه سلم الخروج و لما بصت علي رجليه لقيتها عامله حرف اكس مع ان هو اللي كان بيتكلم يا تري هو معترض علي اللي بيقوله ولا معترض علي شخصيتها هي؟ كانت مستمتعه بجد بكل كلمه بيقولها مع ان اغلب كلامه كان عن البنات بطريقه جريئه شويتين الا ان تحليله للحياه و طريقته المرحه خليتها سعيده انها تعرف انسان كده حتي لو كانت دي اخر مره ممكن تشوفه فيها و بالتدريج اختلفت اوضاع رجليهم لا هي رجليها بقت ناحيه السلم ولا هو رجليه رسمت حرف اكس ................................................. هو: يا خبر الساعه 8 انتِ كده هتتاخري هي : اوكي يالا بينا هو : انت هاتعملي ايه؟ ممكن تاخدي تاكسي من هنا هي : انت هاتعمل ايه؟ هو :ممكن اتمشي شويه هي : اوك ممكن نتمشي لحد االتحرير .................................................. هو : يالا علشان المترو بتاعك جه هي : باي هو : باي .................................................... صاحبتها :انتِ مالك ؟ سرحانه كده ليه ؟ هي : بفكر, علي فكره انتِ لو فضلتي تلعبي في شعري كده هانام صاحبتها : يا ريت ما تباتي معاي هي : مش هاينفع يا حابيبتي انت عارفه يالا انا هاروح انام في بيتنا ................................................. هي في السرير بتاعها و بردانه جدا رغم انها متغطيه ببطانيه و مش عارفه تفتح عنيها ,حاولت تشيل شعرها المبلول من علي وشها بس كانت ضعيفه جد ا و مقدرتش ترفع اديها فنامت تاني .... ببساطه لانها مش قادره تعمل حاجه تانيه ابتدت تحس بالجو اللي حواليها ولما سمعت صوت الاذان حست انها محتاجه لحد يمسك اديها البردانه و ياخدها في حضنه بعد شويه حست ان فيه حد ماسك اديها من غير ما تاخد بالها ضغطت علي ايده علشان تفهمه انها حاسه بيه و سمعت صوته بيقولها ماتعمليش في نفسك كده تاني ابتسمت من جواها و قالت لنفسها المره اللي جايه مش هاخد 30 قرص اسبرين هابقي اقطع شرايين ايدي و اخلص

بتضحك ليه و انت ماشي لوحدك؟

بتضحك ليه و انت ماشي لوحدك؟, originally uploaded by mariamarts2.

العبقري وليد طاهر
البوست ده مخصوص علشانك يا سونيا
:)