الأحد، مايو ٢٨، ٢٠٠٦

القراءه للمكفوفيين


بتحب القراءه؟
طيب فيه كتاب او مجله او حتي مقال تحب ان الناس تشاركك في قرايته؟
طيب و المكفوفين؟
لجنة المكفوفين فى جمعية رسالة

عاملة مشروع جميل اوى وفيه ثواب كبييييييييييييييييييير اوى

اسمه القراءة للمكفوفين

مش هما كمان لهم حق فى القراءة زى المبصرين

طيب ليه منعملش ده

بس ازاى ؟

اكيد عندك كتب او قصص قراتها قبل كدة وعجبتك

كل المطلوب منك انك تكتبها على برنامج
WORD

كانك بتكتب حاجة عادية
وبعد كدة
حنوصلها للجمعية وهما هناك حيطبعوها بطريقة برايل
الخاصة بالمكفوفين

وحيبقى فيه القراءة للمكفوفين

على فكرة

المشروع ده بدأ فى جمعية رسالة فعلا خاصة فرع الاسكندرية
الحمد لله تم كتابة مجموعة كتب

صدقنى المشروع مهم لهم واقولك على مثال ياكد كلامى

فيه شاب كفيف بيروح مكتبة الاسكندرية
فى المكتبة فيه قصة رجل المستحيل واحدة فقط مطبوعة بطريقة برايل

عارف الشاب ده بيعمل ايه ؟

كل ما يروح المكتبة يقرأها لدرجة انه بيقول انه حافظها بس مفيش غيرها وهو نفسه يقرا

انسان نفسه فى حاجة انت ممكن تعملها ليه

حتساعده ولا حتبخل عليه بكتاب ممكن تكتبه ليه
حياخد منك وقت ساعة اسبوع شهر
مش مهم بس ساعده

طيب نتكلم عن الثواب

اكيد كلنا عارفين ايه الثواب بس يكفى حاجة واحدة

انه حيكون صدقة جارية لك
يعنى الكتاب الى حتكتبه ويتحول لبرايل
والكفيف حيقراه
حيكون فى ميزان حسناتك
شوف بقه لو قرأ الكتب 5 ولا 10 ولا 100

احسب الثواب بقى

ممكن حد يقول انا معرفش اروح جمعية رسالة او اصلا انا فى محافظتى مفيش جمعية رسالة

الحل بسيط اوى

اكتب اللى انت عايزة من الكتب بكل انواعها والقصص حتى رجل المستحيل لانهم فعلا بيحبوها جدا .. اكتب اللى انت عايزة

وابعتها على الايميل ده
hh_islam1@yahoo.com

واكتب فى العنوان مشروع القراءة للمكفوفين

واكتب اسمك وبيانات بسيطة عنك

وان شاء الله حاوصل ده لفرع الجمعية فى الاسكندرية

وحيكون الكتاب مسجل هناك باسم الشخص اللى كتبه

بس اسمك حيكون مكتوب فى مكان احلى بكثيييييييير

فى ميزان حسناتك

ابعت اللى حتكتبه على الايميل
Attach File

او ممكن تروح الجمعية وتوصله هناك فى لجنة المكفوفين

انا اسفة على التطويل بس
يا باغى الخير اقبل

فرصة كبيرة عشان تاخد ثواب اكبر

جزاكم الله كل خير

ياريت نقدر نوصل الكلام ده لاكبر عدد من الناس

عشان هدف واحد

ادخال السرور على قلب انسان

الجمعة، مايو ٢٦، ٢٠٠٦

نظرية القرود الخمسة

أحضر خمسة قرود، وضعها في قفص! وعلق في منتصف القفص حزمة موز، وضع تحتها سلما. بعد مدة قصيرة ستجد أن قردا ما من المجموعة سيعتلي السلم محاولا الوصول إلى الموز. ما أن يضع يده على الموز، أطلق رشاشا من الماء البارد على القردة الأربعة الباقين وأرعبهم!! بعد قليل سيحاول قرد آخر أن يعتلي نفس السلم ليصل إلى الموز، كرر نفس العملية، رش القردة الباقين بالماء البارد. كرر العملية أكثر من مرة! بعد فترة ستجد أنه ما أن يحاول أي قرد أن يعتلي السلم للوصول إلى الموز ستمنعه المجموعة خوفا من الماء البارد. الآن ، أبعد الماء البارد، وأخرج قردا من الخمسة إلى خارج القفص، وضع مكانه قردا جديدا ( لنسميه " بن حجر" ) لم يعاصر ولم يشاهد رش الماء البارد. سرعان ما سيذهب "بن حجر" إلى السلم لقطف الموز، حينها ستهب مجموعة القردة المرعوبة من الماء البارد لمنعه وستهاجمه. بعد أكثر من محاولة سيتعلم " بن حجر" أنه إن حاول قطف الموز سينال (علقة قرداتية) من باقي أفراد المجموعة! الآن أخرج قردا آخر ممن عاصروا حوادث شر الماء البارد (غير القرد " بن حجر" )، وأدخل قردا جديدا عوضا عنه. ستجد أن نفس المشهد السابق سيتكرر من جديد. القرد الجديد يذهب إلى الموز، والقردة الباقية تنهال عليه ضربا لمنعه. بم ن فيهم " بن حجر" على الرغم من أنه لم يعاصر رش الماء، ولا يدري لماذا ضربوه في السابق، كل ما هنالك أنه تعلم أن لمس الموز يعني (علقة) على يد المجموعة. لذلك ستجده يشارك، ربما بحماس أكثر من غيره بكيل اللكمات والصفعات للقرد الجديد (ربما تعويضا عن حرقة قلبه حين ضربوه هو أيضا)! استمر بتكرار نفس الموضوع، أخرج قردا ممن عاصروا حوادث رش الماء، وضع قردا جديدا، سيتكرر نفس الموقف. كرر هذا الأمر إلى أن تستبدل كل المجموعة القديمة ممن تعرضوا لرش الماء حتى تستبدلهم بقرود جديدة! في النهاية ستجد أن القردة ستستمر تنهال ضربا على كل من يجرؤ على الاقتراب من السلم. لماذا؟ لا أحد منهم يدري!! لكن هذا ما وجدت المجموعة نفسها عليه منذ أن جاءت !
هذه القصة ليست على سبيل الدعابة. وإنما هي من دروس علم الإدارة الحديثة. لينظر كل واحد منكم إلى مقر عمله-واخدين بالكم من مقر عمله دي-. كم من القوانين والإجراءات المطبقة، تطبق بنفس الطريقة وبنفس الأسلوب البيروقراطي غير المقنع منذ الأزل، ولا يجرؤ أحد على السؤال لماذا يا ترى تطبق بهذه الطريقة؟ بل سيجد أن الكثير ممن يعملون معه وعلى الرغم من أنهم لا يعلمون سبب تطبيقها بهذه الطريقة يستميتون في الدفاع عنها وإبقائها على حالها !!

(على فكرة ، " بن حجر" شخصية حقيقية وتشغل منصب مرموق للغاية ولكن نعتذر عن عدم ذكر اسمه الكامل خوفاً من أن تقوم القردة بمقاضاتنا لتلويثنا لسمعة القرود باسمه)
منقول بتصرف

مش عارفه مين اللي كتبه

السبت، مايو ٢٠، ٢٠٠٦

مبسوطه جدا
اتفرجت علي الفيلم الكارتون"هيركليز
مفيش كلام بعد الكارتون
:)

الجمعة، مايو ١٩، ٢٠٠٦

دعوة عامة

جماعة آدم الأدبية
صالون جماعة آدم


حوار الأجيال
المسؤولية الثقافية / السينما
نؤمن أن منارات الثقافة عديدة , ولكن أيها يضئ الطريق وأيها سيظل منطفئاً ؟؟؟
معاً نحاول سبر أغوار هذا الفن السابع نكتشفه ويكتشفنا عبر شاشته الكبيرة وعيوننا المتعطشة للمعرفة
ضيوف اللقاء
المخرج الكبير/ مجدي أحمد علي
الناقد الكبير/ محمد الرفاعي

الإثنين 22 مايو الساعة 8 مساء
قـاعة الكلمة
ساقية عبد المنعم الصاوي
الزمالك - أسفل كوبري 15 مايو - من جهة أبو الفدا

ساقية عبد المنعم الصاوي
TEL.
7368881
0124400100

جماعة آدم الأدبية
0106734625 أيمن مسعود
0101825673 محمد صبري نجم

الأربعاء، مايو ١٧، ٢٠٠٦

الاخ العزيز جدا و الفنان المتميز محمد العبلان وجهلي دعوه لحضور اكبر تظاهره فنيه في جده معموله لنصره الشعب الفلسطيني و قضيته الموضوع ده هيتعمل في الصريفي مول في جده فنانين المملكه اتبرعوا بلوحات فنيه و صور فتوغرافيه
الاعمال دي هيتعمل بيها معرض و بعد كده تتباع في مزاد و فلوسها هتروح لفلسطين
و كمان محمد العبلان , ايمن يسري , محمد حيدر, راشد الشعشعي ,سعيد قمحاوي و سعود محجوب هيعملوا عمل مفاهيمي مشترك بعنوان " السلام"
الموضوع ده هيبدا يوم 17-5 ولمده عشره ايام
الدعوه عامه
محمد اكيد انت عارف
انا نفسي اجي المملكه علشان اشارك في حاجه زي دي
للاسف ماقدرش اسافر اولا علشان الامتحانات و ثانيا علشان انا ممنوعه من السفر بامر السيد الوالد
بس انا نشرت الموضوع علشان اللي يحب يشارك في الموضوع ده
كرباج سعاده و قلبي منه انجلد
رمح كانه حصان و لف البلد
ورجعلي نص الليل و سألني.. ليه
خجلان تقول انك سعيد يا ولد
عجبي
في يوم صحيت شاعر براحه و صفا
الهم زال و الحزن راح و اختفي
خدني العجب و سألت روحي سؤال
انا مت .. والا وصلت للفلسفه؟
عجبـــــــــــــــــــــي

الخميس، مايو ٠٤، ٢٠٠٦

رجعت لنوتي الصفرا تاني
بقيت بكتب بس مش احلي حاجه في يومي زي زمان
بقيت بكتب ع يأسي و احباطي علي لسان الشعرا
عرفت ليه ممكن تهون النفس فننهي الحياه بأدينا
الحمد لله ان لسه فيه ناس
شكرا يا جماعه علشان كنتوا معايا دايما
:)
قول لفنك مهما كان قادر
مستحيل هتغير الماضي
مستحيل هتغير الحاضر
مستحيل هتغير المستقبل
و انحسار الموج و خيبه لاهبل
و الشتا اللي بيجي بعد الخريف
و الهزيمه في الثلاث جبهات
التيوتا راكنه جنب الرصيف
نقل بالاجر لجميع الجهات

فؤاد حداد
ايام العجب و الموت